33 nga 99 Emrat e Allahut me argument – Pjesa 3

“Dhe Allahu mbi çdo gjë është Muhijt.” (Nisa: 108)

“Ai është Allahu, Gjithëkrijuesi, Shpikësi i Pashembullt i çdo gjëje, El musavir (Formësuesi i gjithçkaje).” (Hashër: 24) 

“Dhe ata do ta kuptojnë se Ai, Allahu, është i Vërteti, El Mubin (i Qarti).” (Nur: 25) 

“Vërtet Ai është Hamidun (Zotëruesi i të gjitha lavdërimeve), Mexhidun (i Lavdishmi, më Madhështori në lavdi).” (Hud: 73) 

“…dhe se vërtet Allahu, Ai është më i Larti, më i Madhi.” (Lukman: 30)

Ky emër në gjuhën arabe, rrjeth nga fjala “el kibër”, domethënia e parme e së cilës është mospranimi dhe mosnënshtrimi. Kjo cilësi (el kibër), kur i dedikohet Allahut është lavdërim, kurse kur i dedikohet krijesave është sharje dhe poshtërim, pasi Allahu nuk i nënshtrohet askujt, por të gjitha krijesat i nënshtrohen Atij. Argument për këtë emër të Allahut është ajeti i parafundit i sures Hashër:

“… Ai është El Xhebbar, El Mutekeb-bir …” (Hashër: 23)

“I Gjithëdituri për çdo gjë, të padukshme dhe të dukshme, më Madhështori, El Muteali (i Larti).” (Rrad: 9) 

Sheukani ka thënë se ky emër do të thotë: “I Lartësuar, larg nga çdo gjë që thonë mushrikët dhe i Lartë mbi të gjitha krijesat me madhështinë dhe fuqinë e Tij.”

“Me të vërtetë Allahu është Kavijjun, Azijzun.” (Muxhadele: 21)

Argument është fjala e Allahut në suren En-Nisa: “Dhe Allahu është mbi çdo gjë Mukijt (i Plotfuqishëm, Gjithëdëshmues, Ruajtës).” 

“…El Muminul Muhejminu …” (Hashër: 23) 

1. Gjithëdëshmuesi i çdo gjëje.
2. Ngadhënjyesi, i Larti.

Argument është hadithi i Enes ibn Malik i cili thotë: “Isha ulur me Profetin (alejhi selam) në xhami, ndërkohë që një burrë ishte duke u falur. Ai tha: ‘O Allah, unë të lutem Ty sepse Ty të takon lavdërimi. Nuk ka të adhuruar tjetër me të drejtë përveç Teje, (El Mennan) Dhuruesi i Madh, Krijuesi i qiejve dhe i Tokës. O Ti që je gjithë madhështi dhe gjithë lavdi. O i Gjalli, i Përjetshmi.’ Atëherë Profeti (alejhi selam) tha: ‘E luti Allahun me emrin e Tij më të madh, kur robi i lutet me të Allahut, Ai i përgjigjet dhe kur i kërkon me të, Ai i jep.’” (Transmeton En-Nesai, Ebu Daudi, etj.. Albani në “Sahih Sunnen Ebu Daud”, thotë që hadithi është i saktë.)

Allahu thotë në Kur’an: “…Es-Selamu, El Muminu…” (Hashr: 23) 

1. Ai që vërteton besnikërinë e Profetëve të Tij nëpërmjet mrekullive që u jep. Ai që e mban premtimin ndaj robërve të Tij.
2. Ai që i siguron nga frika robërit e Tij besimtarë, në Ditën e Gjykimit.

“Atëherë dijeni se Allahu është Meula (Mbrojtësi, Përkrahësi) për ju. Sa Meula i Shkëlqyer dhe sa Nesijr (Ndihmues) i shkëlqyer është Ai!” (Enfal: 40) 

“Atëherë dijeni se Allahu është Meula (Mbrojtësi, Përkrahësi) për ju. Sa Meula i Shkëlqyer dhe sa Nesijr (Ndihmues) i shkëlqyer është Ai!” (Enfal: 40) 

“…më se i Mjaftueshëm është Zoti yt, si Udhëzues dhe Gjithëndihmues.” (Furkan: 31) 

Allahu në Kur’an ka treguar fjalët e Jusufit (alejhi selam) në burg: “O shokët e mi të burgut! A janë më mirë shumë zota të ndryshëm, apo Allahu, El Uahidu (Një, i Vetmi, i Papërballueshmi, më i Larti)?” (Jusuf: 39) 

“Ne jemi që ngjallim dhe sjellim vdekjen dhe Ne jemi Gjithëtrashëguesit.” (Hixhër: 23) 

“Vërtet Allahu është Vasiun, Alijm.” (Bekare: 115) 

1. I Gjithëmjaftueshmi për të plotësuar nevojat e krijesave të Tij.
2. Gjithëpërfshirësi që përfshin çdo gjë me dijen e Tij: “Ai e ka përfshirë çdo gjë me dijen e Tij.” 
3. Sheukani ka thënë se ky emër tregon për mëshirën gjithëpërfshirëse të Allahut, i Cili nuk i ka ngarkuar robërit me atë të cilën nuk e veprojnë dot, dhe i ka bërë të gjitha ritet e fesë të lehta.
4. El Furadu ka thënë: “Ai është Bujari dhe Dhuruesi më i Madh, i Cili ka përfshirë çdo gjë me dhuntinë e Tij.”

“…dhe thanë: ‘Allahu na mjafton neve dhe për ne Ai është Rregulluesi më i mirë i punëve.’” (Ali Imran: 173) 

1. Ai të Cilit i mbështetemi për të rregulluar të gjitha çështjet tona. Imam Sheukani ka thënë: “El Uekijl është Ai, të Cilit i dorëzojmë punët (çështjet) tona.
2. I Gjithëmjaftueshmi, i Cili kujdeset për ne.

“Dhe Ai është El Uelij, El Hamijd.” (Shuara: 28)

Profeti (alejhi selam) ka thënë: “Me të vërtet Allahu është Vitër (Tek, i Vetëm) dhe e do tekun.” (Transmeton Buhari)

Ibn Haxher ka thënë: “Kuptimi i këtij emri është se Allahu nuk ka asnjë shok dhe është i Pashembullt. Ai është i Vetëm, i ndarë dhe i shkëputur nga krijesat, nëpërmjet Qenies dhe cilësive të Tij. Pra, Allahu është Një, Tek, ndërsa të gjitha krijesat e Tij janë çift. Ai ka thënë:

‘Dhe nga çdo gjë Ne kemi krijuar dy palë.’ (Dharijat: 49)

Fjala e Profetit (alejhi selam) në hadith ‘e do tekun’, do të thotë që Allahu e do tekun në çdo gjë, edhe sikur gjërat teke të bëhen të shumta. Prandaj, Ai ka urdhëruar që shumë vepra e adhurime të përfundojnë me numër tek, si p. sh. pesë namazet e obliguara, namazi i vitrit, numri i herëve të pastrimit, qefinosja e të vdekurit etj. Në numër tek janë krijuar edhe shumë krijesa, si p.sh. qiejtë dhe Toka etj. (Marrë nga “El feth”)

“Me të vërtetë Ti je Uehab (Dhuruesi më i Madh).” (Ali Imran: 8) 

Këta dy emra tregojnë se Allahu është i Pafillim dhe i Pambarim. I Përhershmi, i Përjetshmi. Ata tregojnë se Allahu e ka përfshirë kohën.

Këta dy emra tregojnë se Allahu i ka përfshirë krijesat e Tij. Ai është lart krijesave me Qenien e Tij dhe më afër tyre se çdo gjë tjetër, me dijen e Tij: “Ai është më i Pari (s’ka asgjë para Tij, Ai është i Pafillim) dhe më i Fundit (s’ka asgjë pas Tij, Ai është i Pambarim), më i Larti (s’ka asgjë mbi Të) dhe më i Afërti (nuk ka gjë më të afërt me krijesat sesa Ai me dijen e Tij, nuk ka asnjë pengesë ndërmjet Tij dhe krijesave të Tij). Dhe Ai është i Gjithëdituri për çdo gjë.” (Hadid: 3) 

Profeti (alejhi selam) ka thënë: “Me të vërtetë Allahu është El Khalik, El Kabid, El Basit, Err-Rrazik, El Musijr.” (Transmeton Ebu Daudi dhe Tirmidhiu, hadithi është i saktë.)

Këta dy emra tregojnë se:

1. Allahu afron atë që dëshiron për ta mëshiruar e për ta udhëzuar, si dhe nuk mëshiron e udhëzon atë që dëshiron. Këtë e ka përmendur Imam Neveviu.
2. Allahu ngre në gradën e njerëzve të mirë e të parë, atë që dëshiron, si dhe ul nga grada e tij atë që dëshiron.

Argument për këtë është hadithi që transmeton Ebu Musa el Esh’ari, ku Profeti (alejhi selam) bënte lutjen e mëposhtme: “O Allah, më fal mua gjynahun tim, paditurinë time, teprimin tim në punët e mia dhe më fal atë për të cilën je më i Ditur sesa unë. O Allah, më fal mua atë që e kam bërë vullnetarisht dhe atë që e kam bërë në mënyrë të pavullnetshme, atë që e kam bërë gabimisht dhe atë që e kam bërë me dashje, e të gjitha këto gjenden tek unë. O Allah, më fal mua mëkatet e kaluara dhe mëkatet e ardhshme, ato që i kam fshehur, ato që i kam publikuar dhe ato që Ti i di më mirë se unë. Ti je El Mukaddim dhe El Muehhir, Ti je i Fuqishëm mbi çdo gjë.” (Transmeton Buhariu dhe Muslimi, por ky version është i Muslimit.)

Abdullah ibn Shehijrr transmeton: “Shkova së bashku me delegacionin e Beni Amirit, për tek i Dërguari i Allahut (alejhi selam) dhe i thamë: ‘Ti je sejjidi (zotëriu) ynë.’ Ai tha: ‘Sejjidi ynë është Allahu i Lartësuar.” (Transmeton Ahmedi, Ebu Daudi dhe Albani e ka saktësuar hadithin në “Sahihul xhami”.)

Profeti (alejhi selam) ka thënë: “Do të tubohen njerëzit në Ditën e Gjykimit pa asgjë, të zhveshur e të pabërë synet, pastaj Allahu u thërret me një zë që e dëgjon edhe ai që është larg, siç e dëgjon ai që është afër: ‘Unë jam El Melik (Sunduesi), Unë jam Ed-Dejjan.’” (Transmeton Ahmedi dhe Albani ka thënë se ky hadith është i saktë.)

“Dhe Ai është El Gafurr (Falësi i Madh), El Vedud (Dashamirësi i robërve të Tij).” (Buruxh: 14)