Hoxhë Shuajb Rexha u lind në qytetin e Kukësit në Gusht të vitit 1981. Shkollën fillore dhe të mesme i kreu në qytetin e lindjes. Në vitin 1999-2000 studioi gjuhën arabe në Institutin e Gjuhës pranë Universitetit të Teknologjisë dhe Shkencave në kryeqytetin e Jemenit, San'a. Në vitin 2000-2001 punon si përkthyes në medresenë e Gjirokastrës. Në vitin 2001 vazhdon studimet në gjuhën arabe në Institutin e Gjuhës pranë Universitetit Islamik të Medines, në Arabinë Saudite. Në vitet 2002-2006 kryen studimet universitare në fakultetin e Jurisprudencës Islame, përsëri në Medine, duke u diplomuar me vlerësime të larta. Me t'u kthyer nga studimet, caktohet Imam në një nga xhamitë e Tiranës ku shërbeu deri në vitin 2012. Hoxha ka një kontribut të vlefshëm në përkthimin e literaturës islame nga dijetarë të ndryshëm, duke arritur rreth 40 numri i titujve të përkthyer, ku një pjesë prej tyre janë botuar dhe shpërndarë, ndërsa pjesa tjetër gjenden të publikuara në versione elektronike. Një nga librat më të çmuar për të cilin hoxha ndjehet i privilegjuar që ka kontribuar në përkthimin e tij është dhe libri kryevepër i Ibn Kajjimit "El Fawaid". Aktualisht, që prej vitit 2018, Hoxha jeton në Kanada.
