Allahu i Lartёsuar thotë në Kur’an: “Hani e pini deri sa tё dalloni perin e bardhë nga peri i zi në agim…” (Bekare : 187)
Nga Adi Ibn Hatimi (radijAllahu anhu) përcillet se ka thёnё: “Kur zbriti ajeti: “Hani e pini deri sa tё dalloni perin e bardhë nga peri i zi” mora dy litarë, një të bardhë e një të zi, i vendosa nёn jastёk dhe pastaj vazhdova t’i shikoja gjatё natёs, por nuk dallova gjë. Nё mёngjes shkova te Pejgamberi (alejhi selam) dhe i tregova çfarë më ndodhi. Ai mё tha: “Ajeti flet pёr errёsirёn e natёs dhe bardhёsinё e agimit.” [1]
Mësime dhe dispozita
1- Pёrkujdesja e sahabёve pёr zbatimin e urdhёresave të Zotit dhe të Pejgamberit (alejhi selam). Sipas disa transmetimeve, Adiu (radijAllahu anhu) ka thёnё: “O i Dёrguari i Allahut, kam kuptuar çdo porosi tënden, pёrveç çështjes së perit tё bardhë dhe perit tё zi. Kur rashё mbrёmё pёr tё fjetur, mora dy penj dhe shikoja herё njёrin, herё tjetrin.” Pejgamberi (alejhi selam) buzёqeshi dhe tha: “Ata janё peri i bardhë dhe peri i zi, që shfaqen nё qiell.” [2] Siç shihet, interesi i Adiut qe aq i madh, saqë mori dy penj nёn jastёk. [3]
2- Vihet re mosteprimi i sahabëve nё pyetje, pёrveç rasteve kur kishin paqartёsi në çështje që kishin të bënin me ibadetin. Ata pёrpiqeshin shumë nё kuptimin e ajeteve tё Kur’anit dhe kur kishin diçka të paqartё, pyesnin Pejgamberin (alejhi selam). Kёshtu duhet tё jetё çdo musliman: të pajtohet dhe të zbatojë tekstet fetare, të mos e teprojë me pyetje dhe të pyesë vetёm atёherё kur ka paqartёsi me veprat e adhurimit.
3- Kuptimi i ajetit: “Hani e pini deri sa tё dalloni perin e bardhë nga peri i zi” është që: Hani e pini, derisa tё dalloni bardhёsinë e ditёs nga errёsira e natёs. [4]
4- Pёr çёshtje problematike dhe të dyshimta duhet tё pyesim dijetarёt e rrënjosur në dije.
5- Koha e agimit ёshtё pjesё e ditёs dhe jo pjesё e natёs. [5]
6- Koha e ngrёnies dhe e pirjes nё syfyr përfundon kur shfaqet agimi. Nёse e ndёrpret ngrёnien e pirjen në çastin kur hyn agimi, agjёrimi ёshtё i plotё, dhe nёse e vazhdon qёllimisht të ushqyerit, agjёrimi nuk vlen. [6]
[1] Buhariu (1817) dhe Muslimi (1090).
[2] Ky transmetim ёshtё i Taberaniut nё Elkebijr (17/79) nr. (175).
[3] Shiko El mufhim (3/148-15), ku Kurtubiu pёrmend se në fillim u shpall fjala e Allahut “Hani e pini deri sa tё dalloni perin e bardhë nga peri i zi” dhe një vit më vonë u shpall togu sqarues “nё agim”.
[4] Shiko: Tefsir Ibn Kethir (1/222) dhe Fet’hul Bari (4/134).
[5] Sherh Ennevevi ala Muslim (7/201) dhe Fet’hul Bari (4/134).
[6] Shiko: Elfet’h (4/135).